Кәсіпкерлікті қолдау шаралары

0
41

      16 мамыр күні Алматы қаласының өңірлік коммуникациялар қызметінде «Даму» кәсіпкерлікті дамыту қоры Алматы қаласы филиалы директорының орынбасары Едіге Марғұланның қатысуымен баспасөз мәслихаты болып өтті. Онда алып шаһардағы шағын және орта бизнесті дамыту мәселелері сөз болды.                                                                                                                                  Едіге Саулебекұлының айтуынша, қор 2017 жылы Алматы қаласы бойынша 43 жобаға қолдау көрсеткен. Берілген несиенің жалпы сомасы 2 496 млн тенгені құраған. Кепілдеме сомасы 873 млн тенге шамасында. Ал үстіміздегі жылдың алғашқы тоқсаны бойынша 339 млн теңге сомаға 24 кепілдеме келісім-шартына қол қойылды.                        – Өткен жылдың екінші онкүндігінен бастап, біз тағы бір мемлекеттік – «Еңбек» бағдарламасын іске қостық. Ол нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы аясында әрекет етуде. Бұл бағдарлама бойынша шағын және орта бизнес өкілдеріне 5 жыл мерзімге 6 пайыздық мөлшерлемемен несие беру басталды. Онда сала бойынша шектеу жоқ. Несиенің максималды лимиті 8000 АЕК немесе 19 млн теңге  шамасында. Кепілдік төлем жеткіліксіз болған жағдайда қор несие сомасының 85 пайызына дейін кепілдеме қолдау көрсетеді, – деді ол брифинг барысында.                                                                            Бағдарлама бойынша несиелендіруді жүзеге асыру мақсатында Нұрбанкке 114 млн тенге, АТФ Банкке – 100 млн тенге, Халық банкіне – 291 млн тенге, Сбербанкке – 400 млн тенге, Forte bank-ке – 1 млрд тенге, Еуразиялық банкке – 1,015 млрд тенге бөлінген.                                                                                                                            Ағымдағы жылдың 26 сәуірдегі жағдай бойынша жалпы сомасы 661,2 млн теңгені құрайтын 42 жоба қаралуда, 646 млн теңгелік 44 жоба мақұлданған, жалпы сомасы 829,1 млн теңгеге 54 несие берілген. Жалпы сомасы 265 млн теңге болатын 22 жоба құжаттарды жинау сатысында.                                                                                            2015 жылы «Бизнестің жол картасы – 2020» бағдарламасы шеңберінде басымдық тізімге енгізілмеген сауда орындары, сұлулық салондары, жатақханалар мен басқа салалардағы кәсіпкерлерді қолдау мақсатында Алматы қаласының әкімдігі мен Даму Қоры бірлесіп «Жібек Жолы» өңірлік бағдарламасын іске қосты. Оған Алматы қаласында тіркелген және жұмыс істейтін шағын және орта бизнес өкілі ғана қатыса алады. Ең жоғары несиелеу сомасы бір кәсіпкер үшін 180 млн теңге. Несие мерзімі жаңа негізгі қаражат алушылар және жетілдірушілер үшін 84 айды, айналым қаражатын толықтырушылар үшін 36 ай құрайды. Сыйақының жылдық номиналды мөлшерлемесі –7 пайыз. Негізгі қарызды өтеудің жеңілдік мерзімі – 12 ай.                          2017 жылы «Жібек Жолы» бағдарламасы арқылы 165 кәсіпкер қаржыландырылды. Сондай-ақ 2017 жылдың қараша айында қосымша 3-ші транш бойынша 2,7 млрд теңге сома бөлінген.                                                                                                                    Едіге Марғұланның айтуынша, бүгінде 11 кәсіпкер 582 млн теңгеге қаржыландырылған. Сонымен қатар 15 кәсіпкердің жобасы қарастырылуда. Осылайша шағын және орта кәсіпкерлікті қолдау шаралары жалғаса бермек.                                                                                                                                   Альбина ТУЛАКОВА,                                                                                                                             «P&H»

Жауап қалдыру