Карл Байпақов

0
29

23 қараша күні белгілі ға­лым, атақты археолог, та­рих ғылымдарының док­торы, профессор, Қа­зақ­станның еңбек сі­ңір­ген ғылым және техника қайраткері Карл Мол­дахметұлы Байпақов 79 жас­қа қараған шағында дүние салды.
Карл Молдахметұлы 1940 жылдың 17 қарашасында Алматы облысының Талғар қаласында дүниеге келген.
Қазақстан археоло­гия­сы­ның қалып­тасуына, Ұлы Жі­бек жолының та­ри­хын зерттеуге, тә­уелсіз Қа­зақ­стан­ның архео­логиялық ғы­лы­ми орта­лы­ғын құрып, да­мытуға, кәсіби мамандарды дайын­дауға, археология бо­йынша халықаралық ғы­лыми-тәжірибелік байла­ныс­ты қалыптастыруға Карл Байпақов ақтық демі үзіл­­генше зор үлес қосып кел­ді.
К.Байпақовтың ұстаздық еңбегі өз алдына бір төбе. Ол «Қазақстанның орта­ға­сыр­лық қалалары», «Ұлы Жібек жолы» курс­та­ры бойынша дәріс оқы­ды. Оның жетекші­лігімен ғы­лыми дәреже қор­ғаған ке­шегі шәкірттері бұл күнде Қазақстан архео­логиясының белді мамандарына айналған.
Соңында елеулі еңбектер қалдырған К. Байпақов білікті маман, ұлағатты ұстаз ғана емес, танымал қоғам қайраткері, Ұлы Жібек жолы Қазақстан Ұлттық коми­тетінің мүшесі, сондай-ақ «Мәдени мұра» мемлекеттік бағдарламасы бойынша қоғамдық кеңестің мүшесі, Ұлы Жібек жолы бойынша ЮНЕСКО-ның халықаралық сарапшысы болатын. Карл Мол­дах­метұлының ғылым, білім, қоғамдық қызмет саласында атқарған еңбегін ғылыми қауым да жоғары бағалай білді.
К. Байпақов халықара­лық сарапшы ретінде Мәде­ниеттер жақын­дастығы ор­та­лығын бас­қарды. Оның же­тек­шілігімен аталмыш Орталық мәдени диалог пен этносаралық және конфес­сияаралық қаты­настарды нығайтудың жаңа платформасына айналды. Әлемдік ғылыми қауымдастықтағы зор беде­лінің арқасында Орта­лық екінші санаттағы ЮНЕСКО мәртебесіне ие болды.
Өз ісіне жауапты әрі ұқып­ты ол айналсын­дағы­ларға қа­шан­да қам­қорлық танытып, қолынан келгенінше көмек қолын созып жүретін. Ол жаны шуақты, жүрегі шырақты кісілермен пікірлесуге, араласуға аса құштар еді.
Марқұмның жаны жән­натта болғай!
«Prezident & Halyq»
газетінің редакциясы

Жауап қалдыру