Үздік атану – үздік жұмыстан

0
146

Мемлекет басшысы Нұрсұлтан Назарбаев кеше «Қазмедиа» орталығында «Қазақстанның 100 жаңа есімі» жобасының екінші кезеңі жеңімпаздарымен кездесті, – деп хабарлайды ҚазАқпарат.
Жастармен жүздесуде Нұрсұлтан Назарбаев қолға алған істің xас шебері болудың маңыздылығын жеткізді. Осы орайда Мемлекет басшысы АҚШ-тың президенті болған Кеннеди әулетінің бала тәрбиелеу дәстүрін еске алды.
– Кеннеди әулетінде төрт ұл бала болды. Сон­да күнде таңғы астың үс­тінде отырғанда әкелері ма­ңызды бір мәселені айтып отыратын. Болашақта кім болатындарың маңыз­ды емес. Шопыр ма, тракторшы ма, машинист па, жүк тасушы ма, ең бастысы, бастаған істің шыңына жете білу керек. Адамның өмірі тым қысқа. Бір ғана нәрсені аяғына дейін жеткізуге уақыт бар. Ал барлық мамандықтарға жабыса берсең, ештеңе шықпайды, – деді Н.Назарбаев
Президенттің айтуынша, адам үздік тігінші немесе үздік аспаз деңгейіне жетсе, оның тұрмысы екі-үш институтты бітіргендерден де жоғары болады.
– Ашығын айту керек, бірнеше институтты бітірген адамдар келіп, төрт дипломын көрсетеді. Сонда бір дипломын пайдаға жа­­рата алмасаң, төрт дип­ломның қажеті қанша. Оны­­­мен мақтануға бола ма? – деп атап көрсетті Н.На­­­зар­­баев.
Мемлекет басшысы бо­ла­шақта сұранысы жоға­ры болатын салаларды атады.
– Қазір нақты қай бағыттарға басымдық беру керек? Ол – жасанды интеллект, ақпараттық теxнологиялар, биоинженирия, нанотеxнология­лар. Дәл осы салалар бізді алға жетелейді. Сол себепті біз ЭКСПО көрмесі өткен жерде стартаппен айналысатындарға үл­кен зертxаналар аштық. Қа­зір олар өз жобаларынан коммерциялық пайда тапсын деп, көмек көр­сетіп жатырмыз, – деді Н.Назарбаев.
Шара барысында әр салада жетістікке жеткен жастар кезекпен сөз алып, өзінің табысқа жетуінің жо­лы туралы айтты. Сон­дай сәттердің бірінде Мем­лекет басшысы ма­ңыз­ды бір мәселеге назар аударды.
– Табысқа жету үшін бір нәрсені үнемі жасап оты­ру қажет. Бір жұмысты бастағаннан кейін шамалы уақыт жасап, шаршадым деп тастап кетсең, ештеңе шықпайды. Дұрыс па? Ал ол жұмысты он жыл үздіксіз істесең, сөз жоқ, арманыңа жетесің, – деді Н.Назарбаев.

Жауап қалдыру