9/11 – ҚОЛДАН ҰЙЫМДАСТЫРЫЛҒАН АПАТ

0
60

2001 жылы 11-қыркүйекте Нью-Йорктегі Дүниежүзілік сауда үйінің қос ғимаратына жо­лаушы ұшақтарымен жа­сал­ған шабуыл бүкіл әлем жұрт­шы­лығының есінде. 3 мыңға жуық адамның өмірін жалмаған қан­ды оқиғаға да міне, 14 жыл толыпты. Ілесе АҚШ пен оның одақтастары Ауғанстанды бомбалай жөнелді. Осы «террорлық актіге» алғашқы күндерден-ақ күмәнім болатын. Оқиғадан төрт күннен соң «Қазақстан-1» телеарнасының «Ақшам» ақпа­рат бағдарламасынан беріл­ген сараптамалық шолуымда «Ха­­лықаралық терроризм қауіпті құбылыс екені рас. Белгілі бір күштердің саяси құралына айналып бара жатқан терроризммен күрес мәселесін «Гордий түйіні» тәрізді қылышпен тартып жі­беріп шешуге болмас. Өйткені – оның тамыры тереңде. Және оның ең басты тамырларының бірі басқада емес, сол АҚШ-тың өзінде жатқан тәрізді…» деп періп жіберіппін. Бұл үшін басшылықтан сөгіс естігенім де бар. Бірақ айтпағым – өмір сол 11-қыркүйек апатын АҚШ Орталық барлау бюросы Сауд Арабиясының қауіпсіздік қыз­метімен бірлесе отырып жүзе­ге асырғанын дәлелдеді!
Тарих ғылымында себеп, сыл­тау және салдар дейтін ұғым­дар бар. Мұсылман дінінің әлемге дендеп қанат жаюынан және мұсылман елдерінің эко­номикалық қуатының артуынан сескенген (бұл себеп) АҚШ пен оның одақтастары ХХІ ғасырдың басында ислам елдеріне шабуыл жасаудың сылтауын іздестірді. 1933 жылы Германияда фашистік төңкеріс жасау үшін Рейхстагтың өртелгені тәрізді жұртқа «сұмдық» оқиға қажет болды. Қолдан жасалған 9/11 оқиғасы мұсылман елдеріне қарсы «үшінші крест» жорығын бастаудың таптырмас сылтауы еді. Таза халықаралық құқық тұрғысынан алғанда әлдебір террористік ұйымның қылмысына басқа мемлекет емес тек сол ұйым ғана жауап береді. Ал АҚШ қарадан қарап тұрған ислам елдеріне агрессиясын бастады да кетті. Сенбесеңіздер қараңыздар, еске түсіріңіздер, терактіден ке­йін Ауғанстанды басып алды, Иракқа, Либияға, Сирияға ша­буыл жасады. Салдарынан жүз­­де­ген мың мұсылмандар қы­рыл­ды, ислам елдерінің эко­но­ми­касына орасан залал келті­рілді.
9/11 оқиғасы қолдан жасалған дейтінім, ұшақ бортындағы авиа­­керосин жарылыс кезінде 800 градус температура береді. Ал ғимарат құрылысында пайдаланылған болат арматуралар 1600 градус­та балқиды. Яғни ғимараттар ұшақ соқты­ғысынан емес, әр қабатқа алдын ала орнатылған бірнеше секунд сайын біртіндеп іске қо­сылатын бағытталған тротил жарылыстарынан ішке қарай жиналып құлаған. Оны зерттеушілер мен мамандар дәлелдеп шықты.
Дәл сол күні бірнеше қисын­сыз жағдайлар орын алды. «Тер­­рористер» ұшақтарды ба­сып алған сәтте бір мезгілде әуежайларда авициялық кеңіс­тікті бақылау және күзету қыз­метінің компьютерлері бір мезгілде бәрі істемей қалған. Кейбір деректерде қос ғимаратта жұмыс істейтін 400-ден астам еврей азаматтарының бірде бірі сол күні жұмысқа шықпаған. Жарылыс алдында ғимараттағы ірі компаниялардың есепшоттарынан миллиондаған қаражат басқа көздерге аударылған. Қос ғимарат тұрған жердегі Жетінші ғимарат бес сағаттан соң өзінен өзі жарылып, құлаған.
Осы оқиғаны бүге-шігесіне дейін зерттеп, Кіші Буш үкі­метінің 11-қыркүйектегі оқиғаға тікелей қатысы барын ресми жариялауға ұмтылып жүрген АҚШ әуе күштерінің экс-капитаны Филипп Маршалл суретте 2013 жылы 11 наурызда 14 жасар қызы және 17 жасар ұлымен бірге белгісіз жағдайда қаза тапты. Біреулер итімен қоса үшеуін атып кеткен. Оның қолында 11-қыркүйек оқиғасын АҚШ үкіметі жанкешті террористер жаттықтырылған Сауд Арабиясы қауіпсіздік қызметімен бірлесіп жасағанын дәлелдейтін құжаттар болыпты…

Марат ТОҚАШБАЕВ
«Президент және Халық»

Жауап қалдыру